Romontsch | Deutsch
Elecziuns 2025
Niev slontsch per nossa vischnaunca
Andiast – Breil – Danis – Dardin – Tavanasa – Vuorz
Ella vischnaunca ei da sentir che biars e biaras ein malcuntents culla situaziun actuala – il giavisch per dapli moviment e novs impuls ei clars. El medem mument lessan nus exprimer nossa reconuschientscha a tuts ch’ein s’engaschai entochen ussa. Ussa drova ei denton in niev slontsch. Nus vulein renconuschientscha ed elavurar ensemen perspectivas pil futur.
Cun in niev team
Nus havein giu differents discuors cun bia persunas. Engraziel pil grond sustegn ed ils buns plaids. Quels han motivau nus. Nus semettin si sco suonda per l'elecziun.
Adrian Bergamin
Fiduziari e commember dalla direcziun dalla Gricon SA
Ramon Schmed
Inschignier da baghegiar tier Ferrari Gartmann AG
Nus selegrein sin la collaboraziun culs auters collegas da suprastonza
Nossa visiun. Nossas finamiras.
En noss discuors ed el discuors cun biaras persunas ord la vischnaunca ein naschidas numerusas ideas e patratgs. Mintga vischinadi ha sias atgnas pretensiuns, denton dat ei era bia caussas communablas. Nus empruein da prender en consideraziun tuttas vischinas e tuts vischins e selegrein sin ulteriuras recamondaziuns!
Aviarta e transparenta communicaziun
La communicaziun e collaboraziun culla populaziun e representants da l'economia sco era hosps duei vegnir tgirada.
Reformar l'administraziun ed ils gremis politics
Crear structuras pli efficientas ed adequatas al temps dad oz e quei tenor situaziun era cun dapli resursas. (exempels dad autras vischnauncas)
Svilup dil turissem ed economia
Crear structuras e cumpetenzas pil turissem e l'economia sin livel strategic ed operativ. Iniziar projects culs acturs pertuccai. Prender si ideas dil project vinavon.
Optimaziun digl uffeci da baghegiar
Igl uffeci da baghegiar duei survegnir dapli resursas e vegnir professionalisaus ed adattadaus als basegns dalla populaziun e l'economia.
Strategia per habitaziuns pagablas
La finamira ei d’evaluar il basegns da habitaziuns pagablas per indigens e luvrers e – sche necessari – da sviluppar ina visiun ed in plan strategic.
Promoziun dil romontsch e cultura
Preservaziun da nossa identitad linguistica e culturala.
Via da colligiaziun e convivenza
Rinforzar il project dalla via da colligiaziun e la convivenza da nossa vischnaunca.
Promover la
digitalisaziun
Era l’administraziun e la communicaziun vegn buc schanegiada dil svilup tecnic. Igl ei impurtont dad analisar novs svilups e dad applicar tals, leu nua ch’igl ei raschuneivel dad integrar ella pratica.
Sera d'informaziun
Vegni sperasvi alla sera d’informaziun. Nus sepresentein cun nossas ideas e selegrein sil barat cun tei. Tias damondas, meinis ed inputs ein cordialmein beinvegni!
Cu?
23 da matg
20:15 uras
Nua?
Danis, casa da scola
L'elecziun
Nossa finamira ei da gudignar ina maioritad en la suprastonza communala cun treis sezs, per esser agibel e veramein saver dar novs impuls per iniziativas politicas.
Las elecziuns han liug ils 15 da zercladur 2025. Engraziel fetg per tiu sustegn e tia vusch!
© 2025 niev-slontsch.ch – Tuts dretgs resalvai.